Plötur ársins 2007

Þá erum við komin í árið 2007 á yfirferð okkar um stigahæstu plötur hvers árs allt frá árinu 1978 til vorra daga. Eins og áður er stuðst við Tónlistann og plötu í 1 sæti gefin 10 stig, platan í 2. sætinu fær 9 stig og svo koll af kolli. Vikufjöldinn er aðeins þær vikur sem platan sat á topp 10 það ár sem fjallað er um Hafi platan komið út ári áður eru hvorki stigin né vikurnar taldar, heldur aðeins líðandi ár.

Í heildarlistanum eru svo þær plötur sem samanlagt hafa náð bestu skori og er þá allt talið það er vikur og ár. Sá listi tekur engum breytingum þetta árið frá fyrra ári.

2007 á Laddi mjög óvænt plötu ársins hvað stig varðar enda að fagna tímamótum og með vinsæla sýningu á Sögu þar sem farið var yfir ferilinn. Önnur plata eða öllu heldur safn vekur óneitanlega athygli og það eru Íslandslögin. Já hver trúir því að óreyndu að slíkur safnpakki eldri platna nái slíku skori. Af einhverjum ástæðum efast maður um hve réttir svona listar eru stundum. En þetta sér maður einnig á erlendum listum við og við og já kannski er þetta bara svona. Það er eitt alveg víst að við erum ekki öll að hlusta á sömu tónlistina.

Vinsælustu plöturnar á árinu 2007 (Vika 1 – 52)
  1. Hver er sinnar kæfu smiður – Laddi (23. vikur, 163. stig)
  2. Life in cartoon motion – Mika (24. vikur, 147. stig)
  3. Cortes – Garðar Thor Cortes (21. vika, 108. stig)
  4. Íslandslög 1-6 – Ýmsir (14. vikur, 100. stig)
  5. Human child/Mannabarn – Eivör Pálsdóttir (13. vikur, 92. stig)
  6. Íslandslög 7 – Ýmsir (12. vikur, 88. stig)
  7. Söngvakeppni sjónvarpsins 2007 – Ýmsir (12. vikur, 85. stig)
  8. Magni – Magni (13. vikur, 77. stig)
  9. Allt fyrir ástina – Páll Óskar (8. vikur, 74. stig)
  10. 100 íslensk 80's lög – Ýmsir (9. vikur, 72. stig)

Frá upphafi listans 12.06.1978 – 52 viku 2007
  1. Ágætis byrjun – Sigur Rós (61. vikur, 321. stig)
  2. Fisherman´s Woman – Emilíana Torrini (47. vikur, 304. stig)
  3. Brothers In Arms – Dire Straits (39 vikur, 282. stig)
  4. Greatest Hits – Queen (39. vikur, 237, stig)
  5. Allt sem ég sé – Írafár (28. vikur, 233. stig)
  6. Spice – Spice Girls (32. vikur, 231. stig)
  7. Þjóðsaga – Papar (36. vikur, 228. stig)
  8. Automatic For The People – R.E.M. (30. Vikur, 228. stig)
  9. Frelsi til sölu – Bubbi (29. vikur, 226. stig)
  10. Jagged Little Pill – Alanis Morrisette (37. vikur, 221 stig)