Plötur ársins 1986

Við erum komin í árið 1986. Líkt og áður erum við að fara yfir þær plötur sem sátu hvað lengst á lista yfir mest seldu plötur landsins frá ári til árs. Vikulega var birtur listi yfir söluhæstu  plöturnar í DV og í þessari úttekt gefum við hverri plötu stig. 10 stig fyrir 1. sætið, 9 sig fyrir 2. sætið og svo koll af kolli.

Madonna er á toppi listans yfir árið. En True Blue var þriðja hljóðversplata hennar sem kom út 30. júní 1986. Annað vekur einnig athygli það er Brothers In Arms með Dire Straits sem sat á topp listans 1984 er einnig að finna á lista ársins 1985. Bætir hér bara í ef svo má segja og tryggir sig á toppi heildarlistans sem nær frá upphafi þess að byrjað var að birta listann.

Bubbi er þarna að venju og í ár er Gunnar Þórðarson með tvær plötur sem eins og höfundi er lagið laumar sér inn án þess að hafa hátt. Og Bubbi kemur reyndar við sögu annarri plötu hans með Braggablús Magga Eiríks. Enn eitt vekur athygli að nú eru safnplöturnar ornar færri en áður var og ekki nærri því eins sterkar hvorki tónlistarlega né á listanum sem slíkum.

Við látum til gamans fylgja með lista yfir .þá sem komið hafa flestum plötum  inn á topp 10 frá því listinn hóf göngu sína.

 

 Vinsælustu plötunnar 1986 samkvæmt Vinsældalista DV (vika 1-53)

  1. True Blue – Madonna  (20. vikur, 138. stig)

  2. Borgarbragur – Gunnar Þórðarson (16. vikur, 122 stig)

  3. Whitney Houston – Whitney Houston (21. vika, 121. stig)

  4. Revenge – Eurythmics (16. vikur, 108. stig)

  5. Blús fyrir Rikka – Bubbi (14. vikur, 106 stig)

  6. Brothers In Arms – Dire Straits (14. vikur, 82. stig)

  7. Picture Book – Simply Red (14. vikur,  82. stig)

  8. Frelsi til sölu – Bubbi (8. vikur, 80. stig)

  9. Toppsætin – Ýmsir (10. vikur, 80. stig)

10-11. Reykjavíkurflugur – Gunnar Þórðarson (10. vikur, 79 stig)

10-11. Þetta er náttúrlega bilun – Ýmsir (10. vikur, 79 stig)

Frá upphafi listans 12.6.1978-4.1.1987

    1. Brothers in Arms – Dire Straits (39. vikur, 282 stig)

    2. Haraldur í Skrýplalandi - Skrýplarnir (25. vikur, 187. stig)

    3. Ljúfa líf – Þú og ég (18. vikur, 160. stig)

    4. Borgarbragur – Gunnar Þórðarson (22. vikur, 159. stig)

    5. Með allt á hreinu – Stuðmenn (19. vikur, 152 stig)

    6. Fingraför – Bubbi (19. vikur, 143. stig)

    7. Glass House – Billy Joel (17. vikur, 143. stig)

    8. Grease – Ýmsir (27. vikur, 138. stig)

    9. True Blue – Madonna (20 vikur, 138 stig)

    10. Discovery – Electric Light Orchestra (20. vikur, 132. stig)

Með flestar plötur á topp 10 frá upphafi

8 plötur á topp 10

            Bubbi Morthens*

            Queen

            David Bowie

7. plötur á topp 10

            Dire Straits

            Kenny Rogers

6. plötur á topp 10

            Billy Joel

            Madness

            Mezzoforte

            Rolling Stones

           

*að auki á hann plötur með Utangarðmönnum, Egó og Das Kapital