Plötur ársins 1984

Árið 1984 var árið sem breytinga varð vart hér heima. Bubbi t.d. flutti af landi brott og verkföll settu strik í birtingu á vikulegum lista yfir vinsælustu plötur landsins, því listinn féll niður í sex vikur vegna þeirra. Venjulegt 52 vikna ár skilar samtals 2860 stigum, sem geta þó farið í 2915 þegar 53 vikan lendir á árinu. Því árið byrjar víst ekki ávalt á sunnudegi og endar á laugardegi.

Þetta árið var heildar stiga fjöldinn því nokkuð nægri og líklega bitnar það á þeim plötum sem skoruðu hæst á árinu.

En við látum slíkt ekki á okkur fá. Látum sem slíkt hafi aldrei gerst og teljum sæti og vikur sem aldrei fyrr. Queen situr í efsta sætinu með 130 sig á 19 vikur. og fer í 9 sæti heildarlistans. Það verður að teljast góður árangur . Þessi plata var sú ellefta sem sveitin sendi frá sér, kom út í febrúar 1984.

Ekki ólíklegt að lagið Radio Ga-Ga eigi þar sinn þátt í vinsældum plötunnar.

Meat Loaf var oftar með plötu sína í fyrsta sæti og sat þar jólamánuðin þegar salan er hve mest. Auk þess naut platan mikilla vinsælda þegar hún kom út. Og eins og árin á undan eru safnplöturnar áberandi í útgáfum ársins og nokkrar slíkar fara inn á árslistann

 

Vinsælustu plötunar 1984 samkvæmt Vinsældalista DV (vika 1-52)

    1. The Works – Queen (19. vikur, 130. stig)

    2. Sumarstuð – Ýmsir (11. vikur,  96. stig)

    3. Footloose – Úr kvikmynd (11. vikur, 91 stig)

    4. No Parlez – Paul Young (10. vikur, 90 stig)

    5. Í rokkbuxum og strigaskóm – HLH flokkurinn (10. vikur, 88 stig)

    6. Tvær í takt – Ýmsir (9. vikur, 76 stig)

    7. Ný Spor – Bubbi (10, vikur, 72. stig)

    8. Tvær í takinu – Ýmsir (10. vikur, 72. stig)

    9. Alchemy – Dire Straits (13. vikur, 60 stig)

    10. Af einskærri sumargleði – Sumargleðin (8. vikur, 56. stig)

 

  Frá upphafi listans 12.6.1978-30.12.1984

    1. Haraldur í Skrýplalandi - Skrýplarnir (25. vikur, 187. stig)

    2. Ljúfa líf – Þú og ég (18. vikur, 160. stig)

    3. Með allt á hreinu – Stuðmenn (19. vikur, 152 stig)

    4. Fingraför – Bubbi (19. vikur, 143. stig)

    5. Glass House – Billy Joel (17. vikur, 143. stig)

    6. Grease – Ýmsir (27. vikur, 138. stig)

    7. Discovery – Electric Light Orchestra (20. vikur, 132. stig)

    8. Bat Out Of Hell – Meat Loaf (15. vikur, 130. stig)

    9. The Works – Queen (19. vikur, 130. stig)

    10. Breyttir tímar – Egó (18. vikur, 129 stig)

Athugasemdir

[hilmar jónsson, 20.8.2012 kl. 20:16]

Svona off rekkord: Ég hef fylgst með bloggi þínu og fundist oft fróðlegar upplýsingar sem þar koma fram.

Ég hef líka tekið eftir að þú ert nokkuð fróður um Bowie.

Þess vegna langar mig að forvitnast hjá þér um kappann ( þ.e. ef þú veist eitthvað )

Ekkert hefur heyrst frá honum í mjög langan tíma sem verður að teljast nokkuð óvenjulegt þegar kappi eins og hann á í hlut.

Einhverjar sögusagnir hafa verið um að hann liggi fárveikur og hafi gert í nokkurn tíma...

[Bárður Örn Bárðarson, 24.8.2012 kl. 00:33]

Já það eru orðin einhver sex ár frá því hann kom fram síðast svo líklega er nú eitthvað að hjá karli. Sem býr í NYC með Iman og hvað ætli dóttir þeirra sé ekki orðin 11 ára eða eitthvað. Síðast var canselerað að hann kæmi fram með söngvara Pink Dloyd 2009 síðan ekkert til hans spurst. Ég vona samt að maður fái eina svona loka-plötu frá honum. Hann er kamelljón svo maður veit aldrei.