Bárður Örn Bárðarson

19.8.2012 | 07:20

Plötur ársins 1983

Þá er komið að árinu 1983 hvað varðar þær plötur sem gerðu það best á lista yfir mest seldu plötur ársins samkvæmt lista DV. Eins og áður beitum við þeirri aðferð að gefa plötu 10 stig fyrir að hafa setið í 1. sæti listans, 9. stig fyrir annað sætið og svo koll af kolli. Árétta skal að plata t.d. í 5 sætinu gæti hæglega hafa selst betur en platan í 1. sætinu. Hér er aðeins verið að skoða setur platna á listanum en ekki eiginlegar sölutölur, sem geta verið misjafnar frá einni viku til þeirrar næstu.

Síðasta ár var það Egóið með tvær plötur, nú eru það Stuðmenn. Með allt á Hreinu hafði komið út í árslok 1982 og þegar þau stig eru lögð við stigin 1983 skýst platan upp fyrir Fingraförin hans Bubba á heildarlistanum.

Bubbi situr þó á toppi listans enda var Fingraför feiki vinsæl árið 1983 og vel að því komin að vera nefnd plata ársins samkvæmt þessari mælistiku okkar. Sem fyrr eru safnplöturnar vinsælar enda talin hentur heimiliskaup.

Vinsælustu plötunar 1983 samkvæmt Vinsældalista DV (vika 1-52)

1. Fingraför – Bubbi (19. vikur, 143. stig)

2. Með allt á hreinu – Stuðmenn (15. vikur, 120. stig)

3. Crises - Mike Oldfield (15. vikur, 103. stig)

4. Let's Dance - David Bowie (14. vikur, 100. stig)

5. Grái fiðringurinn – Stuðmenn (11. vikur, 90. stig)

6. Ertu með – Ýmsir (11. vikur, 88. stig)

7. Ein með öllu – Ýmsir (9. vikur, 82 stig)

8. Rás 3 – Ýmsir (12. vikur, 81. stig)

9. Mávastellið – Grýlurnar (10. vikur, 76. stig)

10. Kristján Jóhannsson – Kristján Jóhannsson (7. vikur, 70 stig)

Frá upphafi listans 12.6.1978-1.1.1984